Liebi Öutere und liebi Ching
Dr Samichlaus isch i däm Johr leider nid ungerwägs.
Nach vöune Überlegige und Abklärige blibt dr Samichlaus hüür wäg dr aktuelle Corona-Situation i sim Höttli im Waud.
Die wunderbare Briefe und Zeichnige, wo vo öich itroffe si, gfaue am Samichlaus sehr und är luegt se sehr gärn a.
Är fröit sich scho jetz ufs nöchschte Johr und dankt für’s Verständnis.
Liebi Grüöss und blibet gsung
öiche Samichlaus